"Монголын Алт" (МАК) ХХК 2022-2024 оны хичээлийн жилээс эхлэн “MAK Internship” цалинтай дадлагажуулах хөтөлбөрийг хэрэгжүүлж байна. Уг хөтөлбөр нь хөдөлмөрийн зах зээлд эрэлттэй, нарийн мэргэжлээр суралцаж буй оюутан залуусыг компанийн газар, нэгж, үйлдвэр, уурхайд цалинтай дадлагажуулан, зөв системтэйгээр ажлын байранд бэлтгэж, үргэлжлүүлэн ажлын байраар хангах замаар ажиллах хүчнээ бүрдүүлэхэд чиглэж байна. Хөтөлбөрийн хүрээнд МУИС, ХААИС, ШУТИС, GMIT (Герман Монголын хамтарсан Ашигт малтмал, технологийн Их сургууль) зэрэг 4 их сургууль, Улаанбаатарт мэргэжилтэн бэлтгэдэг 3, орон нутгийн 5 Политехник коллеж, МСҮТ-тэй 3-5 жилийн хугацаанд хамтран ажиллах санамж бичиг байгуулаад байна.

МАК компани нийгмийн хариуцлагын гол чиглэл болох боловсролын салбарыг дэмжих бодлогын хүрээнд Өмнөговь аймгийн Гурвантэс, Дорноговь аймгийн Даланжаргалан зэрэг үйлдвэр, уурхайн нөлөөллийн бүсийн сумдад сургууль, цэцэрлэг байгуулж, боловсролыг тэгш, хүртээмжтэй болгох чиглэлд анхааран ажиллаж байна. 

Түүнчлэн “MAK Intership” 2024 цалинтай дадлагажих хөтөлбөрт хамрагдан, Компанийн хэрэгжүүлж буй шинэ төслүүдэд ажиллах судлаач, мэргэжилтнүүдийг тавигдах шаардлагын дагуу сонгон шалгаруулж компанийн ”Тэтгэлэгт хөтөлбөр”-т хамруулан инновац санал санаачилгыг бий болгох ирээдүйн залуу боловсон хүчнийг дэмжин сургалтын гэрээ байгуулан ажлын байраар хангана.